الى حزب المناضلين الاشداء على طريق الوطن الحر والشعب السعيد
نتذكــر اسنين اصعاب.. عشناها بعطــــر حبنه
ومشينه والحزب رايات.. منشـــــوره وتعاشرنه
وتحركنا بدروب الــــنور.. ما توكـــف سواعدنه
ونبقى ع الدرب ماشين ... هاي اسنين صار النه
حـزبنه ايسير عنده اصرار.. والمنهج يوحـــــدنه
وتظل راياتنه امشرعات ...والتاريخ يجمعــــنــه
واعيون الشغيلة اشموع ...تحــــرس سبل حـرثتنه"1"
والفلاح مرواحه.. يغازل ريحة القـــــداح والحنــه
وحزبنه منهج واصلاح... والاصــلاح منهـــــجنه
طريق الشعب رايتنه.. وهي تـــواكــب مسيـــرتنه
ونظل وي الدرب ماشين.. ما تفتــر عـــــــــزيمتنه
وطريق الشعب مشعل نور.. يضوي ادروب همتنه
طـــــــريق الشعب تلهمنه ... ودروب العـز تعلمنه
تعلمنه ادروب العــــــــــز ...طريق الشعب تلهمنه
ونظل وي الدرب ماشين ...ما تفتــر عــــــزيمتنه
ــــــــــــــــــــــــــــــــــــــــــــــــــــــــــــــــــــــ
"1" سبل حرثتنه: طريق مسيرتنا بلهجة اهل الجنوب