إلى روح الشاعر الراحل كاظم لاله
يكاظم زينة الدنيا
غفت مهره على اذرعك
وانت بلا ضنه ولا مال
طحت من السمه شمسين
شمس متعوبه اجت بثيابها متربه
وتراب الوطن ما تنكته الغربه
وشمس طلعت على الثوار
والتفت ضفيره بركبة السلطان
وانت هناك بالغربه
جنت كل مغربيه يࢰودك السجان
لحدود الوطن وتشوف
شعلاته البعيدة بشوك توميلك
وتصرخ والوطن من الدمع يتكسر بعينك
وتطيح اتراب
وترد كل شهكه البصدرك تخضر باب
يصاحبنه ويصاحب دجله والنجمات
امس شباجنه اشكل للكمر من فات
كاظم مات ؟
لو هم رجع للغربه ؟
اخافن هم بجة من الوطن والناس؟
مدري اشاوره وصهلت مهرته وطاح
واتبدة شذر عالكاع
وبين الوطن والغربه شبعت وداع
بس من رحت من عدنه بلايه اوداع
وبقه ليليه تابوتك
يطر ضلمة شوطينه
ويخضر بالقصيده اشراع